Opisyal nga gisugdan sa Schools Division Office (SDO) sa Dapitan City ang tuig 2026 pinaagi sa unang pagbalik sa trabaho sa mga kawani uban sa bag-ong determinasyon sa pag-alagad sa mga magtun-an Pilipino.
Ang kalihokan nagsilbing simbolikong panaghiusa sa tanang personahe, nga nagpalig-on sa espiritu sa “One Dapitan” ug sa komitment sa Department of Education sa kalidad nga edukasyon.
Usa ka pamalandong gikan kang PSDS Joy I. Cagbabanua ang mipasiugda sa kahinungdanon sa tagsa-tagsa ka talento ug papel sa matag empleyado alang sa kalampusan sa dibisyon.
Gipahibalo usab sa nagkadaiyang dibisyon ang ilang mga programa ug kalihokan sa umaabot nga mga semana, lakip ang mga training alang sa mga magtutudlo ug school leaders, pag-ila sa outstanding performers, sports activities, ug pagpalig-on sa standardized assessment tools alang sa mga magtun-an.
Sa iyang panapos nga mensahe, gihatagan bili ni Schools Division Superintendent Jay S. Montealto ang integridad sa serbisyo publiko ug ang kahinungdanon sa pag-atiman sa pamilya isip pundasyon sa episyenteng trabaho. Natapos ang kalihokan sa paghatag og birthday greetings sa mga kawani nga natawo sa bulan sa Enero, nga nagpalig-on sa positibo ug nagkahiusang pagsugod sa bag-ong tuig.(IKEN B. GULLEM)
Source: DepEd Tayo -Division of Dapitan City