Aron masiguro ang mas hapsay ug episyenteng serbisyo alang sa katawhan, gipangunahan ni City Mayor Roberto Y. Uy ang usa ka Executive Consultative Meeting kaniadtong nilabay nga adlaw, nga gipahigayon sa 2nd Floor Social Hall sa Museo Dipolog.
Gitambongan kini sa mga Chiefs of Offices ug Division Heads sa lokal nga kagamhanan, diin ilang gihisgutan ang mga prayoridad nga lakang ug estratehiya sa pagdumala sa siyudad.
Lakip sa mga tumong sa tigom ang pagpaayo sa proseso sa serbisyo publiko ug pagpalig-on sa koordinasyon tali sa mga opisina.
Gihatagan usab og gibug-aton sa mayor ang panaghiusa sa mga opisyal isip yawe sa epektibong pagpatuman sa mga programa sa siyudad, nga maghatag og dugang kaayohan sa mga Dipolognon ug magpadayon sa kalamboan sa Dipolog.(IKEN B. GULLEM)
Source: Dipolog City Government