Nakadawat og Plaque of Appreciation si City Mayor Roberto Y. Uy gikan sa Department of Information and Communications Technology (DICT) Region IX niadtong nilabay nga adlaw atol sa courtesy visit nga gihimo sa City Mayor’s Office.
Gitunol ang plaka ni Ms. Aileen Padao, Chief sa DICT–Dipolog City, isip pag-ila sa padayon nga panagtambayayong sa lokal nga kagamhanan sa Dipolog ug sa DICT sa pagpalambo sa digital governance ug teknolohiya sa serbisyo publiko.
Samtang, mipadayag sa iyang pasalamat si Mayor Uy ug giusab ang iyang suporta sa mga programa sa DICT nga nagtumong sa mas episyente, paspas, ug matinud-anong serbisyo alang sa katawhan sa Dakbayan sa Dipolog.(IKEN B. GULLEM)
Source: Dipolog City Government