Dead on arrival ang usa ka Sangguniang Bayan member human gipusil patay sa wala mailhing suspetsado didto sa iyang panimalay sa Barangay Poblacion South Piñan, Zamboanga del Norte, December 19, 2024.
Ang biktima nailhan sa pangalan nga si Glecerio Redillas, incumbent SB member sa lungsod sa Piñan Zamboanga del Norte.
Matud pa sa taho nga sa may alas 7 kapin kun kulang sa kagabhion ang biktima naglingkod sa pantawan gawas sa iyang balay ug sa dihang adunay miduol nga wala mailhing suspetsado ang kalit lng mi duol ug gipusil ang biktima.
Ang maong insidente kuha mismo sa cctv sa mismong panimalay sa biktima.
Ang biktima naigo mismo sa parte sa ulo hinongdan sa iyang kamatayon.
Kahibaloan nga ang nahisgotan biktima nagpapili pag-usab isip konsehal sa maong lungsod ug anaa sa line up sa mga Jalosjos.
Sa pagkakaron ang mga kapulisan padayon pang ga imbestiga kun unsay motibo sa maong krimen, para mapadali ang pagsikop sa maong mamumuno. (Angelica T. Obina)
(Source: BANAT MINDANAO)