Nagpahigayon og coordination meeting ang Salug District Jail uban sa lokal nga panggamhanan sa Godod, Zamboanga del Norte, aron palig-onon ang ilang panaghiusa ug kooperasyon sa mga programa sa kalinaw ug kaluwasan.
Gipangulohan ang miting sa Jail Warden nga si JCINSP Samuel A. Nasiad ug sa Municipal Mayor nga si Hon. Ritchie G. Uy. Gitambongan usab kini sa mga representante sa Salug District Jail nga sila SJO1 Milfred B. Tomarong ug JO1 Queenie A. Empeynado.
Tumong sa kalihokan ang pagpalalom sa inter-agency partnership tali sa BJMP ug LGU alang sa mas epektibong serbisyo publiko, kaluwasan sa komunidad, ug padayon nga kalamboan sa munisipyo.(IKEN B. GULLEM)
Source: Salug District Jail-Bjmpr9