SALUG, ZAMBOANGA DEL NORTE — Nakigkoordinar ang Salug District Jail sa Department of Trade and Industry Negosyo Center aron mapalapdan ang skills development programs alang sa mga Persons Deprived of Liberty, isip suporta sa Philippine Creative Industries Development Plan 2025 hangtod 2034.
Gipahigayon ang coordination meeting ubos sa pamuno ni Jail Warden JCINSP Samuel A. Nasiad, pinaagi sa Unit Welfare and Development Officer, kauban si Ms. Jeah Lagare sa DTI Negosyo Center Salug, nga nagtutok sa pagpatuman sa creative ug panginabuhian nga mga training.
Tumong sa inisyatiba nga hatagan og kahigayunan ang mga PDL nga mapalambo ang ilang kahibalo ug kahanas, makat-on og produktibong panginabuhian, ug maandam alang sa reintegration sa komunidad human sa ilang pagpagawas.(JENIFFER JR. DELICA)
Source: Salug District Jail-BJMPR9