DAPITAN CITY— Nakigkita ang city officials sa Department of Health aron hisgutan ang mga pamaagi ug plataporma nga makapalig-on pa sa immunization programs alang sa mga kabataan sa siyudad.
Gipunting sa panag-uban ang pagpaayo sa accessibility, kahapsay, ug kahingpitan sa pagbakuna aron masiguro ang proteksyon sa mga bata batok sa mga sakit nga malikayan pinaagi sa immunization.
Gipakita sa partnership ang hiniusang paningkamot sa lokal nga pangagamhanan ug sa DOH sa pagpanalipod sa kahimsog sa mga kabataan ug sa pagtukod og mas himsog ug mas luwas nga kaugmaon sa komunidad.(JENIFFER JR. DELICA)
Source: Mayor Belen Uy