DAPITAN CITY — Nipatuman og Fire Square Roadshow ang Dapitan City Fire Station niadtong Enero 30, 2026 sa First Consolidated Bank sa Barangay Dawo, isip kabahin sa padayon nga kampanya sa Bureau of Fire Protection sa fire safety ug disaster preparedness.
Giapil sa kalihokan ang fire safety lecture, hands-on nga demonstrasyon sa hustong paggamit sa fire extinguisher, ug EDITH fire drill aron mapalig-on ang kahibalo ug kahandam sa mga empleyado sa bangko sa pag-atubang sa sunog ug uban pang emerhensiya.
Gipasalamatan sa Dapitan City Fire Station ang management ug mga kawani sa First Consolidated Bank sa ilang aktibong partisipasyon, nga mitabang sa kalampusan sa maong kalihokan.(JENIFFER JR. DELICA)
Source: BFP R9 Dapitan City Fire Station