Sa ilawom sa pagdumala ni Jail Warden JCINSP Samuel A. Nasiad, ang Salug District Jail nagpalapad sa ilang gardening program aron mas mapalig-on ang rehabilitasyon ug pagka-masarigan sa kaugalingon sa mga Persons Deprived of Liberty (PDLs).
Kini nga programa naghatag og higayon sa mga PDL nga makat-on sa responsibilidad, pakigtambayayong, ug praktikal nga kahanas samtang nagtabang sa pagka-sustenable sa pagkaon sulod sa pasilidad. Apil sila sa pagtanum ug pag-atiman sa mga utanon, nga naghatag og makahuluganon nga oras ug posible nga makadugang sa ilang kita.
Sa tabang sa maayong supervision, ang mga PDL makat-on sa modernong paagi sa pagtanum, pagplano sa ani, ug makabaton og praktikal nga kasinatian nga magamit nila sa umaabot. Kini nga inisyatibo usa ka bahin sa padayon nga paningkamot sa jail nga mahimong lugar sa pagtubo ug pagkat-on para sa mga PDL.(IKEN B. GULLEM)
Source: Salug District Jail-Bjmpr9