Nakigtagbo kang City Mayor Roberto Y. Uy ang mga opisyal sa Partnerships in Environmental Management for the Seas of East Asia (PEMSEA) ug sa DENR–Environmental Management Bureau Region IX kaniadtong Enero 29, 2026, aron hisgutan ang implementasyon sa proyekto batok sa marine plastics.
Gipangulohan sa miting sila PEMSEA Executive Director Aimee T. Gonzales ug Regional Project Manager Dr. Won-Tae Shin, uban ni DENR-EMB IX Regional Director Atty. Abbas I. Lao ug ESWMS Section Chief Karen C. Tandang. Mitambong usab si OIC-Assistant CENRO Atty. Gratian Paul R. Tidor ug City Agriculturist Engr. Kerr N. Porlas.
Sentro sa diskusyon ang operational arrangements sa Official Development Assistance (ODA) Project on Reducing Marine Plastics, nga tumong palig-onon ang lokal nga mga lakang sa pagpanalipod sa kadagatan ug malungtarong solid waste management sa syudad.(IKEN B. GULLEM)
Source: Dipolog City Government