Misalmot ang Salug District Jail sa usa ka oryentasyon kabahin sa Strategic Planning ug mga pamaagi sa procurement ubos sa New Government Procurement Act (NGPA), nga gipahigayon sa Local Government Unit Salug pinaagi sa Bids and Awards Committee (BAC).
Gitumong sa kalihokan ang pagpalig-on sa kahibalo sa mga ahensya sa gobyerno mahitungod sa husto, klaro ug responsable nga proseso sa paggasto sa pondo sa gobyerno. Lakip sa gihisgutan ang modes of procurement ug ang pag-andam sa Final Project Procurement Management Plan (FPPMP).
Nagrepresentar sa Salug District Jail sila SJO2 Marife E. Tabotabo, JO1 Excel B. Bait-it ug JO1 Mark Anthony P. Vendiola. Ang ilang pag-salmot gitutokan sa pagpaayo sa institusyonal nga kahibalo aron masiguro ang episyente ug masaligan nga pagpalit sa mga kinahanglanon sa buhatan.
Sumala sa pamunoan ni JCINSP Samuel A. Nasiad, Jail Warden, ang maong lakang kabahin sa paningkamot sa Salug District Jail sa pagpalambo sa maayong panggobyerno, hustong pagdumala sa pondo, ug pagsunod sa nasudnong mga balaod sa procurement alang sa mas epektibo nga serbisyo publiko.(IKEN B. GULLEM)
Source: Salug District Jail-Bjmpr9