Mipartisipar ang Department of Agrarian Reform (DAR) Zamboanga del Norte sa regionwide Closing of Books para sa Calendar Year 2025 nga gihimo sa Royal Farm Resort, kaniadtong Enero 14–16, 2026.
Gipangulohan sa DAR Regional Office ang kalihokan aron masiguro ang husto nga pagreconcile sa pinansyal nga accounts, sakto nga recording sa transaksiyon, ug tukmang pagsira sa libro sumala sa balaod sa accounting sa gobyerno.
Gitambongan kini sa Finance Team sa DAR ZDN ubos sa Support to Operations Division, lakip ang Accounting ug Budget nga personahe, kauban ang ubang finance staff gikan sa provincial ug regional offices sa Zamboanga Peninsula.
Pinaagi sa kalihokan, gipakusgan sa DAR ZDN ang ilang pasalig sa transparency, accountability, ug maayong pagdumala sa pondo alang sa mga programa sa agrarian reform.(IKEN B. GULLEM)
Source: DAR ZAMBONORTE