Mga alas 2:45 sa hapon niadtong Hunyo 14, 2023, nakadawat ug impormasyon si PSSg Aiza M Aying pinaagi sa cellular phone call nga adunay vehicular self-traffic incident nga naglambigit sa PNP service vehicle sa Sibutad MPS (Toyota Hilux) sa Provincial Road partikular na sa Purok 3, Brgy Marapong, Sibutad ZDN. Sa pagkahibalo sa maong taho, ang mga personahe sa PNP sa Sibutad pinangulohan ni PMSg Rey A Quimiguing-IOC, nipaingon sa maong dapit aron sa pagsusi sa katinuod sa maong report.
Sa inisyal nga imbestigasyon nga gihimo, nasayran nga samtang ang PNP service vehicle (Toyota Hilux) gimaneho ni PCpl Marl Dave B Palangpangan, nga adunay driver’s license number J13-18-010307, kauban ang pasahero nga si PCpl Dennis M Bejarin, mibiyahe gikan sa Manukan ZDN,padung balik sa Sibutad Municipality.
Gidala sa maong sakyanan ang duha ka mga akusado alang sa remand sa Manukan Zamboanga Del Norte Correctional and Rehabilitation Center. Sa pagbalik na niini ug pag-abot sa dapit nga nahitaboan, usa ka gamay nga baka ang kalit nga milabang gikan sa tuo nga bahin sa dalan sa may kasagbutan. Unya, ang drayber daling mi kabig sa manibela paingon sa wala aron pag likay sa baka, ug milahos sa pikas lane ug nahulog sa daplin sa dalan ug nabangga sa punoan sa lubi sa unahan.
Ang drayber nga si PCpl Mark Dave B Palangpangan ug ang pasahero nga si PCpl Dennis M Bejarin, nakaangkon og minor injuries ug gidala sa Sibutad Municipal Ospital.
Ang PNP service vehicle (Toyota Hilux) naka-angkon og danyos sa hood, nabuak nga windshield, naguba nga lingkuranan sa likod ug nibuto ang air bag.
(Source: PNP Zamboanga del Norte)