Malampusong naselebrar ang GRAND IFTAR 2023 para sa atong kaigsuonang muslim nga gipahigayon sa Dipolog City Islamic Learning and Da’Wah Center Inc. sa barangay Miputak ning atong dakbayan kagahapong adlawa, Abril 20, 2023.
Ang maong aktibidad gipangulohan sa atong personahe sa kapulisan og personal nga mitambong sila si PCPT. Charlot M. Lapiz, PEMS Rey B. Marcojos-CESPO, ug uban pang kasapi sa Dipolog CPS, og anaa usab ang presensya ni Hadji Julmakin Absari kinsa presidente sa Provincial Salaam Police Advocacy Support Group, Brod. Abdullah Bael kinsa personal nga nag-imbitar sa RPN-DXKD Dipolog.
Ang GRAND IFTAR 2023 usa ka tinuig nga kalihukan nga gipahigayon atol sa balaang bulan sa Ramadan “to break the fast” kon pagtapos sa puasa og pag selebrar kauban ang pamilya ang kahigalaan. Kini usa ka esensyal nga parte sa Islamic culture og subay sa atong kaigsuonang muslim sa tibuok kalibutan. (Maribeth B. Sibucao, Erlie Grace S. Agapay & Elvie S. Indag- DXKD Interns)