Gikatakdang ipahigayon na usab dinhi sa dakbayan sa Dipolog ang “RUN FOR RICE” Fun Run karong umaabot Nobyembre 26, 2022 (Sabado) sa may alas 5:00 ang takna sa sayong buntag dinha sa Dipolog Boulevard, ning siyudad.
Kining maong kalihokan ang ipahigayon pinaagi sa rehiyonal nga buhatan sa Department of Agriculture duyog na sa koordinasyon sa Kagamhanang lokal ning siyudad.
Matud pa nga kining maong kalihokan ang ipahigayon isip pagpahaom sa kasaulogan sa “National Rice Awareness Month” nga gisaulog ning bulan sa Nobyembre, sa matag tuig.
Sigun sa dugang inpormasyon nga kining maong Fun Run ang gilangkoban sa “Open category” (Men and Women), “17 yrs. / Under category” (Boy and Girls), ug 12 yrs. / Under category (open gender).
Ilawom sa “Open category” (Men), kini ang adunay 10K nga daganon, ug sa (Women), aduna usa’y 8k nga daganon, samtang sa “17 yrs. / Under” (Boys), modagan kini sa 6K, samtang sa (Girls) ang modagan usab sa 4K ug sa “12 yrs./ Under” aduna kini paga-daganon nga 2K.
Ilawom sa Open Category-(Men and Women), ang matag 1st placer ang makadawat sa cash prize nga 7 mil ka pesos + gold medal, 2nd placer – 5 mil ka pesos + silver medal ug 3rd placer – 3 mil ka pesos + bronze medal.
Samtang sa “17 yrs. / Under, (Boys and Girls) ang matag 1st placer ang makadawat usab sa 4 mil ka pesos + gold medal, 2nd placer – 3 mil ka pesos + silver medal ug ang 3rd placer – 2 mil ka pesos + bronze medal, ug ilawom sa 12 yrs./ Under category, ang 1st placer ang makadawat og 2 mil ka pesos + gold medal, 2nd placer – 1,500 pesos + silver medal ug ang 3rd placer – 1 ka libo ka pesos + bronze medal.
Dugang gipahibalo sa mga organizers ning maong kalihokan nga aduna kini registration fee nga 200 ka pesos alang sa Open category, 150 ka pesos alang sa 17 yrs./ Under ug 1 ka gatos alang sa 12 yrs. / Under category, diin kadtong magparehistro ang makadawat sa Run For Rice T-shirts ug Bib (nos.)
Ang registration alang ning maong kalihokan ang magsugod karong adlaw’ng Lunes, Nobyembre 7, 2022, gikan alas 8:00 sa buntag hangtud na sa alas 5:00 ang takna sa hapon, didto sa City Agriculture’s Office, nga nahimutang sa 2nd floor, sa City Hall ning siyudad, tungod kay wala na’y “onsite registration” nga pagahimoon pa sa mismong adlaw sa Fun Run.
Subay ning maong kalamboan, gidapit kadtong tanang mahiligon sa dagan sa pagsalmot ug magparehistro na sa pinaka-madaling panahon.
Alang sa mga manan-away, aduna usa’y ipahigayon ng libreng “Fun Run” For All”, busa kadtong gustong modagan ang mahimong gihapong makasalmot.
Mitambong atol sa gipahigayong tigum kalabot niini mao sila si Dipolog City Youth Sports Development Council (YSDC) Chairman, Atty. Chandler O. Ruiz, DA Information Officer, Ms..Evette Avellanida ug mga kauban, City Engineer, Engr. Susan Ualat, Engr. Nestor Merecido sa CGSO, Alan Francisco Bengua sa CIO, Mr. Benedicto Morandarte sa TMO. Boulevard Manager, Mr. Regie Lavictoria ug City Agriculturist, Engr. Kerr Porlas.
(Source: Dipolog City Government Facebook page)
