Pigkunpirmar Kan oficina kan POPCOM bicol sa paagui ni Program Population Officer IV, Josephine Chua na naglalangkaw an numero kan teenage pregnancy sa Rehiyon Bicol.
Segun sa naging pahayag kan ofisyal ini sosog sa ipinalowas guikan sa Civil Registration Statistics Data kan Philippine Statistics Authority (PSA), naglolowas na kan nakaaguing 2,019 egwang mga kahobenesan na babae nagpupuon sa edad na diyes anyos 10 hasta sa katorse 14 anyos an nangangaraki sa kada ikaapat na aldaw.
Miyentras na pigbanggit pa man kan ofisyal na kan taun 2020 egwang sarong onse 11 anyos sarong 12 anyos asin trese 13 anyos an nangaki hali sa probinsya nin Camarines Sur.
Idinagdag pa kani sa bareta na sa kaparehong taun nakapag registro man an probinsya kan Albay, Camarines Norte asin Catanduanes na tigsararong nangaki sa edad na 13 anyos mantang duwa man sa islang probinsya kan Masbate.
Miyentrastanto walong 8 tenedyer man nangaki sa edad na katorse 14 anyos an nairehistro man hali sa probinsya kan Sorsogon. (Joey H. Lim)