Puno sa kahibalo, kadasig, ug kompetisyon ang Zamboanga del Norte Convention and Sports Center, Dipolog City, samtang gipahigayon ang RSTW Sci-Math Battle 2026 nga gipasiugdahan sa Department of Science and Technology IX (DOST-IX) sa pakigtambayayong sa Philippine Science High School – Dipolog Campus.
Dose (12) ka pribadong eskwelahan ang nag kompetinsya nga dili lamang nagsukod sa kahibalo, kondili usab sa kapaspason sa panghunahuna, katukma sa tubag, ug abilidad sa pagsulbad sa mga problema sa Science ug Mathematics.
Sa matag pangutana, matag kalkulasyon, ug matag tubag, ilang gipakita nga ang kabatan-onan sa Zamboanga Peninsula adunay dakong potensyal sa natad sa STEM.
Ang RSTW Sci-Math Battle usa ka plataporma diin ang mga estudyante dili lamang makigkompetensya, kondili makakat-on, makadiskobre sa ilang potensyal, ug mapalig-on ang ilang pagsalig sa kaugalingon.(IKEN B. GULLEM)
Source: DOST Regional Office No. IX