Naghiusa kagahapong adlawa, Agusto 11 ang City Government of Dapitan, pinaagi sa City Environment and Natural Resources Office (CENRO), mga opisyal sa Barangay Canlucani, ug mga boluntaryo sa komunidad alang sa Coastal Clean-Up Drive sa baybayon sa Barangay Canlucani.
Nagtinabangay ang mga lokal nga lider, barangay officials, CENRO personnel, ug community volunteers aron limpyohan ang baybayon, mapamenos ang marine pollution, ug mapanalipdan ang coastal ecosystem sa Dapitan.
Miapil usab sa kalihokan ang mga Sangguniang Panlungsod Councilors nga sila Hon. Erasmo Bayron, Hon. Bienvenido Dini-ay, ug Hon. Raul Carreon, nga kauban nga nagtrabaho uban sa mga opisyal sa Barangay Canlucani.
Napakita pinaagi niini nga ang pagpanalipod sa kinaiyahan usa ka responsibilidad sa tanan. Ang matag paningkamot alang sa limpyo nga baybayon usa ka lakang padulong sa mas himsog, mas lunhaw, ug mas malungtarong Dapitan.(IKEN B. GULLEM)
Source: Dapitan City Government