Nasakmitan sa mga personahe sa kapulisan ug duha ka gramo sa ilega na drugas ang usa ka 40 anyos nga driver,atol sa gikasa nga buy-bust operation sa Purok Busay, Brgy. Sinonoc, Dapitan City, Zamboanga Del Norte,mga alas 12:42 sa kadlawon niadtong Agosto 11, 2026.
Ang maong dinakpan nga driver naila nga usa ka lalaki,minyo ug Purok Nangka, Brgy. Sinonoc, Dapitan City, Zamboanga Del Norte,kinsa gidakop pinaagi sa mga operatiba sa Dapitan CPS,
natala isip Street Level Individual (SLI) sa Illegal Drugs watchlist sa Dapitan CPS, tungod sa paglapas sa Republic Act No. 9165, nailhan usab nga Comprehensive Dangerous Drugs Act of 2002.
Atol sa operasyon nakuha sa mga otoridad, gikan sa dinakpan ang gibanabanang 2 ka gramo sa ilegal na drugas nga mobalor sa P13,600.00.
Ang suspek gipahibalo sa hinungdan sa iyang pagkadakop ug mga katungod sa konstitusyon (Miranda Warning) ug sa Anti-Torture Act sa usa ka diyalekto nga iyang hingpit nga nasabtan ug anaa na kini karon sa kostudiya sa Dapitan City Police Station samtang nagpaabot sa pagpasaka sa tukmang reklamo.
Samatang, ang tanang nakumpiska nga mga butang gi-imbentaryo na ug gisumite sa Zamboanga del Norte Provincial Forensic Unit -9 alang sa chemical examination.(MEDALYN U. BORJA)
Source: ZNPPO