Pormal nang gilunsad ang Risk Resiliency Program- Climate Change Adaptation Mitigation o RRP-CCAM Project LAWA at BINHI pinaagi sa Cash-for-Training (CFT) Stage 1 sa probinsya, usa ka lakang padulong sa lig-on nga food security ug malungtarong panginabuhian sa mga komunidad.
Gipangulohan ang programa sa Department of Social Welfare and Development (DSWD) uban sa Provincial Government ug mga Municipal Local Government Units, nga naghiusa sa ilang paningkamot aron matabangan ang mga marginalized nga sektor pinaagi sa agrikultura ug pangisda.
Pinaagi sa CFT, ang mga partisipante makadawat og pinansyal nga suporta samtang nagkat-on og praktikal nga kahibalo ug kahanas sa pagpanguma ug pangisda—nga magamit nila alang sa dugayng panginabuhian.
Siyam ka lungsod ang kabahin sa implementasyon nga gilangkoban sa Siayan, Sindangan, Leon B. Postigo, Pres. Manuel A. Roxas, La Libertad, Kalawit, Sirawai, Sibuco, ug Sergio Osmeña.(IKEN B. GULLEM)
Source: Office of the Provincial Agriculturist