Aduna nay 68 ka estudyante sa Dapitan ang nakabenepisyo sa Special Program for Employment of Students (SPES) human nagtapok alang sa orientation sa unang batch niadtong Abril 16, 2026 sa Amphitheater sa Government Center, isip pagsugod sa ilang partisipasyon sa 20 ka adlaw nga employment program.
Sa maong orientation, gipahibalo sa mga partisipante ang mga lagda, responsibilidad, ug benepisyo sa programa nga magsugod opisyal sa Abril 27. Matag benepisyaryo makadawat og ₱607 kada adlaw o kinatibuk-ang ₱12,140 sulod sa 20 ka adlaw nga trabaho.
Gipadayag ni Mayor Evelyn “Belen” T. Uy ang kahinungdanon sa programa alang sa kabatan-onan, nga naghatag dili lamang pinansyal nga tabang kondili oportunidad sa pagkat-on ug personal nga paglambo.
Sumala ni PESO Manager Nonito Malacat, dako ang papel sa SPES sa pagtabang sa mga estudyante sa ilang pang-eskwela samtang naghatag og praktikal nga kasinatian sa trabaho. .
Gihatagan usab og detalyadong diskusyon ni DOLE Region IX representative Franz Nico L. Reyes ang mga estudyante aron masabtan nila ang mga patakaran ug ekspektasyon sa programa.(IKEN B. GULLEM)
Source: City Government of Dapitan