Gimarkahan kaniadtong nilabayng adlaw ang ika-182 ka adlaw sa liderato ni Mayor Angeles “Bobong” Carloto isip punong ehekutibo sa munisipyo, nga gipasiugda pinaagi sa iyang paghatod sa 2025 State of the Municipality Address (SOMA).
Sa maong panumpa sa kahimtangan sa lungsod, gipadayag sa alkalde ang daghang kalampusan, mga nahimo, ug mga lakang nga gipatuman sa miaging tuig alang sa kaayohan sa katawhan.
Atubangan sa mga opisyal sa lokal nga panggamhanan, mga kawani sa munisipyo, ug katawhan, mapasalamaton nga gipaambit ni Mayor Carloto ang progresong naabot sa munisipyo, usa ka pamatuod sa lig-on, inklusibo, ug matinud-anong liderato nga nagtinguha sa mas hayag ug progresibong kaugmaon alang sa tanan.
Gibutyag sa Mayor nga ang administrasyon padayon nga ginamandoan sa 10-Point Agenda, nga nagsilbing giya sa pagplano ug pagpatuman sa mga programa ug proyekto sa munisipyo.
Sa pagtapos sa iyang SOMA, nagpasalamat si Mayor Bobong Carloto sa pagsalig ug suporta sa katawhan, ug nagpahayag sa iyang padayon nga dedikasyon sa serbisyo publiko.(IKEN B. GULLEM)
Source: Tampilisan Tourism