Misalmot ang Regional Mobile Force Battalion 9 ubos sa liderato ni PCPT Harris A. Ladja, sa pagdumala ni PCOL Joseph L. Ortega, Force Commander sa RMFB-9, sa usa ka tree planting activity sa Coastal Zone sa Logoy Diutay, Talon-Talon, Zamboanga City. Kini gihiusa sa selebrasyon sa World Wetlands Day 2026 nga may temang “Wetlands and Traditional Knowledge: Celebrating Cultural Heritage.”
Ang maong kalihokan nagtumong sa pag-amuma sa kinaiyahan samtang gipasidunggan ang kahibalo ug kultura nga gipasa sa mga lokal nga komunidad.
Matod pa sa RMFB-9, ang partisipasyon sa tree planting nagpakita sa ilang dedikasyon sa pagpanalipod sa palibot ug sa pagpadayon sa tradisyonal nga kaalam sa lugar.(JENIFFER JR. DELICA)
Source: Regional Mobile Force Batallion 9