Nakuha sa Municipality of Rizal ang overall championship sa 1st Mayor Marissa Manigsaca VIS-MIN Open Karate Championship 2026 nga gipahigayon sulod sa duha ka adlaw sa Rizal, Zamboanga del Norte, diin nagtapok ang mga karate athletes ug delegasyon gikan sa nagkalain-laing lugar.
Misunod isip 1st Placer ang JRMSU Dipolog, 2nd Placer ang Municipality of Piñan, ug 3rd Placer ang Municipality of Plaridel, Misamis Occidental. Gipakita sa mga atleta ang ilang kahanas, disiplina, ug sportsmanship atol sa kompetisyon, samtang napalig-on usab ang camaraderie tali sa mga partisipanteng organisasyon ug local government units.
Giila sa LGU Rizal ang mga tournament officials nga mitabang sa patas ug hapsay nga pagpadagan sa kompetisyon, lakip sila Tournament Director Alberto O. Tolibas, Tatami Manager Jonnie Ocular, ug Sensei/Mat Supervisor Hipoliti Mahaducon Sensei, uban sa mga referees, judges, ug table officials. Gipasalamatan usab si Mr. Ian Stephen Mah, MBA, MPA, LPT, tungod sa iyang expertise ug suporta sa maong championship, ingon man si Engr. Edwin Claudio, Municipal Assessor/Tourism Officer-Designate, sa iyang tabang sa pagpadagan sa kalihokan.
Gipahayag sa LGU Rizal, ubos sa pagpangulo ni Mayor Marissa Manigsaca, ang pagpasalamat sa tanang atleta, coaches, delegasyon, ug stakeholders nga mitampo sa malampusong inaugural championship. Ang maong kalihokan nagpakita usab sa padayong suporta sa Rizal sa sports development ug sa paghatag og dugang oportunidad sa mga atleta nga mapalambo ang ilang kahanas pinaagi sa kompetisyon.(JENIFFER JR. DELICA)
Source: Municipality of Rizal