Gipalig-on sa Department of the Interior and Local Government o DILG Zamboanga del Norte, uban sa UNICEF, ang ilang paningkamot sa pagpalambo sa Early Childhood Care and Development o ECCD pinaagi sa Barangay Information Management System o BIMS.
kabahin sa maong inisyatibo ang pag-digitize sa Registry of Barangay Inhabitants o RBI aron mas mapaayo ang pagkolekta, pagdumala, ug paggamit sa datos sa barangay alang sa mas tukma ug responsive nga local governance.
gilauman usab nga pinaagi sa mas organisado ug accessible nga barangay data, mas maapil ug mapalambo ang partisipasyon sa mga residente sa paghimo sa mga programa ug serbisyo nga motubag sa ilang mga panginahanglan, ilabi na sa mga bata ug pamilya.
pinaagi sa maong inisyatibo, gitumong sa DILG Zamboanga del Norte ug UNICEF nga mapalig-on ang paggamit sa datos sa paghimog desisyon ug pagpalambo sa serbisyo alang sa mas lig-on nga mga komunidad.(JENIFFER JR. DELICA)
Source: DILG Zamboanga del Norte