Gisaulog sa Municipality of Sindangan ang ika-82 nga anibersaryo sa Shinyo Maru Tragedy aron hinumdoman ang mga kinabuhi, sakripisyo, kaisog, ug pagkamatinud-anon sa mga tawo nga nahimong kabahin sa maong kasaysayan. Gipangunahan ang kalihokan nila ni Municipal Mayor Hon. Glona G. Labadlabad ug Municipal Vice Mayor Hon. Nilo Florentino Z. Sy.
mitambong usab sa seremonya si Dr. Ricardo T. Jose, Professor Emeritus sa History Department sa University of the Philippines Diliman, ug Mr. Bingen Mendoza, nga mipakigbahin og mga kasaysayan ug mensahe mahitungod sa Shinyo Maru Tragedy ug sa kabilin niini.
gipakita usab sa programa ang cultural dance performances gikan sa Sindangan National High School, Doña Natividad L. Macias Integrated School, ug Sindangan National Agricultural Integrated School, gisundan sa paghatag og certificates of recognition ug solemn nga flower offering ug wreath-laying ceremony.
kapin walo ka dekada na ang milabay, apan nagpabilin nga pahinumdom ang Shinyo Maru Tragedy sa kaisog, kalooy, ug pagkamanggihatagon sa mga tawo sa Sindangan ug kasikbit nga mga komunidad nga mitabang, misalbar, ug mipasilong sa mga survivor.(JENIFFER JR. DELICA)
Source: Municipality of Sindangan