Nakadawat daghang pasidungog ang Rural Health Unit (RHU) sa Roxas, Zamboanga del Norte, atol Provincial Health Awards 2025, nga gipahigayon sa Provincial Government pinaagi sa Provincial Health Office, sa Top Plaza Hotel, Dipolog City.
Gihatagan ug pag-ila ang RHU Roxas sa ilang kalampusan sa daghang aspeto sa serbisyong panglawas, lakip na ang school-based immunization, tuberculosis treatment success rate, ug dugang nga mga programa sa blood donation ug community health promotion.
Lakip sa mga awards nga nadawat sa Roxas;
-Top 4 sa School-Based Immunization
-Top 3 sa TB Cured and Treatment Success Rate
Platinum Award – Dugong Bayani Award
-Best Performing Blood Program Coordinator:
Maythel Tomimbang, RMT
-Special Award Certificate of Recognition sa Health Promotion Community Playbook: Pinggang Pinoy Panalo
-Plaque of Recognition para sa suporta sa Municipality of Pres. MA. Roxas sa province-wide health programs
Kini nga a kalampusan giila nga resulta sa kooperasyon sa health team, lokal nga panguluhan, ug sa komunidad. Gipadayag usab ang pasalamat sa lokal nga gobyerno ilabi na kang Mayor Ismael Ismael Jr., Vice Mayor Rolando Jun-jun Yebes, ug sa tanang Sangguniang Bayan members, sa ilang padayon nga suporta ug giya sa mga programa sa panglawas.
Ang RHU Roxas nag-awhag sa katawhan sa Roxas sa padayon nga kooperasyon ug suporta aron mapalig-on ang kahimsog ug kalig-on sa lungsod.(IKEN B. GULLEM)
SOURCE: RHU ROXAS