Gibansay sa Rural Health Unit (RHU)–Roxas ang mga Barangay Health Workers (BHWs) ug Barangay Nutrition Scholars (BNSs) pinaagi sa usa ka skills enhancement training nga nagtinguha sa pagpalig-on sa ilang kahibalo ug kahanas sa pag-alagad sa komunidad.
Gitutukan sa maong kalihokan ang pagpauswag sa ilang kapasidad isip mga frontliners sa barangay health services. Gipadayag sa mga eksperto ang mga importanteng topiko sama sa nutrisyon ug husto nga pagkaon, ug ang antimicrobial stewardship o responsableng paggamit sa tambal. Gi-awhag usab sila sa padayon nga dedikasyon ug pagpaningkamot alang sa mas epektibong serbisyo.
Sumala sa RHU-Roxas ubos sa liderato ni Dr. Christian Atienza, ang maong training kabahin sa padayon nga programa sa pagpalig-on sa lokal nga serbisyong panglawas. Gilauman nga pinaagi sa dugang kahibalo ug praktikal nga kasinatian, mas mapalambo pa ang kalidad sa healthcare services sa Roxas.(IKEN B. GULLEM)
Source: RHU ROXAS