Gihatagan og funeral service ug ceremonial honors sa Bureau of Fire Protection sa Dapitan City ang retiradong fire officer nga si SINSP Ricardo I. Acaylar niadtong Mayo 5, 2026.
Sa maong seremonya, gipakita sa mga personnel sa Dapitan City Fire Station ang ilang pagtahod pinaagi sa “Last Salute” ug “Side Honors” isip pinal nga pagpasidungog sa iyang serbisyo sa publiko.
Sumala sa BFP, ang maong ritwal simbolo sa labing taas nga respeto ug pasalamat sa usa ka miyembro nga naghalad sa iyang kinabuhi alang sa kaluwasan sa katawhan.
Gibilin ni Acaylar ang usa ka lig-on nga panulondon sa kaisog, integridad ug dedikasyon nga magpadayon nga inspirasyon sa mga bombero nga nag-alagad karon.(JENIFFER JR. DELICA)
Source: BFP R9 Dapitan City Fire Station