Gidayeg sa Probinsyal nga Pangagamhanan sa Zamboanga del Norte ang liderato ni LTC Alberto S. Ramirez atol sa iyang exit call kang Governor Darel Dexter Uy niadtong Mayo 5, 2026 sa Provincial Capitol sa Dipolog City.
Sa maong panagtagbo, gipasalamatan ni Ramirez ang suporta ug kooperasyon sa probinsya sa mga programa sa militar, ilabi na sa civil-military initiatives nga nakatabang sa pagmintinar sa kalinaw ug kahapsay sa lugar.
Gipasiugda usab ni Governor Uy ang kontribusyon ni Ramirez sa pagpalig-on sa relasyon tali sa Armed Forces ug lokal nga panggamhanan, ug nagpasalamat sa iyang dedikadong serbisyo sa probinsya.
Ang maong exit call nagpakita sa lig-on ug epektibong panag-uban sa militar ug gobyerno, nga nagdala og positibong epekto sa seguridad ug kaayohan sa katawhan.(JENIFFER JR. DELICA)
Source: Provincial Government of Zamboanga del Norte