Nakakuha og “Excellent Compliance” rating ang Provincial Local Government Unit sa Zamboanga del Norte ubos sa liderato ni Governor Darel Dexter Uy sa Government Energy Management Program o GEMP nga gipasiugdahan sa Department of Energy.
Nahatag sa PLGU ZN ang 92.63 porsyento nga rating nga katumbas sa 5-star compliance human sa spot check nga gihimo sa DOE Energy Audit Team kabahin sa implementasyon sa energy efficiency ug conservation measures.
Gisusi sa DOE ang upat ka kategorya lakip ang electricity conservation, fuel-saving measures, institutionalization sa energy efficiency, ug hapsay nga reports ug inventories, diin nakatuman ang probinsyal nga panggamhanan sa kadaghanang rekisitos.
Samtang mibisita sa buhatan sa gobernador, gipahibalo usab sa DOE ang ilang calibration ug sealing sa mga sukdanan sa gasoline stations sa Dipolog, Dapitan ug Polanco aron masiguro nga tukma ang gidaghanon sa petrolyo nga mapalit sa mga konsumante.(JENIFFER JR. DELICA)
Source: Zamboanga del Norte Provincial News Network