Naghatag og bag-ong oportunidad sa mga residente ang Lokal nga Pangagamhanan sa Gutalac pinaagi sa tulo ka skills training programs nga ipahigayon sa TESDA Provincial Training Center–Sindangan.
Ang mga training maglangkob sa Plumbing, Carpentry, ug Electrical Installation and Maintenance (EIM), nga nagtumong sa paghatag sa mga partisipante og praktikal nga kahanas nga mahimong magamit sa trabaho o panginabuhian.
Gipangulohan ni Mayor Eddie Justin Quimbo ang Office of the Municipal Mayor sa pagdawat sa mga trainer sa TESDA ug pagsuporta sa maong programa.
Gipasalamatan usab sa LGU si Cong. Ian Amatong sa iyang padayong suporta nga nakatabang aron mapahigayon ang skills training alang sa mga Gutalacnon.
Sumala sa LGU, magpadayon kini sa pagdala sa mga programa nga makapalambo sa kahanas ug makahatag og dugang oportunidad sa mga residente.(IKEN B. GULLEM)
Source: LGU GUTALAC-PUBLIC INFORMATION