28.9 C
Manila
Friday, March 29, 2024

Dipolog: Renewal sa business permits extended hangtod Pebrero 28, 2023

- Advertisement -

Gilugwayan sa kagamhanang lokal sa Dipolog ang deadline sa pag-renew sa mga Business Permits alang sa tanang balay patigayon sulod ning dakbayan.

Kini human gi-aprobahan sa mga sakop sa Sangguniang Panlungsod (SP), ang Resolution No. 23-245, series of 2023 nga nag-ulohan og “A Resolution Extending the Period for the Application and Issuance of Business Licenses and Permits until February 28, 2023 Without Interest of 2% Per Month and Surcharge of 25% Annually”.

Ang nasangpit nga resolusyon ang gipasar sa SP ubos sa pagpangamahan ni konsehal Jonald Napigquit ug gidasonan ni konsehal Romulo Soliva, human mipadala og sulat-hangyo si Mayor Darel Dexter T. Uy ngadto sa konseho alang sa maong extension.

Nasayrang dili igo ang 20 ka adlaw alang sa maong katuyoan, sumala sa gikatakda sa Akta Republika 7160 nga nailang Local Government Code of 1991. Ang extension, sumala pa, ipatuman tungod usab sa pag-usbaw sa gidaghanon sa mga balay patigayon ning dakbyan.

Subay niini, subling gi-awhagan ang tanang mga negosyante o magpapatigayon dinhi sa dakbayan sa pagpa-renew na sa ilang business permit samtang sayo pa, aron malikayan ang posibleng pagpunsisok sa mga tawo kon unya pa sila maghikay sa papeles kon duol na ang deadline.

(Source: Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -