Gikatakda’ng ipahigayon sa Office for the Senior Citizens Affairs ning dakbayan ang “Release of Land Bank Cash Cards” alang sa mga “senior citizens” gikan sa bayte uno (21) ka mga barangay karong umaabot Nobyembre 13, adlaw’ng Sabado, ning tuiga. Ang maong kalihokan ang gipangunahan sa Department of Social Welfare and Development inubanan sa buhatan sa City Social Welfare and Development, ning siyudad.
Nasayran nga ang Plaza Magsaysay, OSCA Covered Court didto sa Sta. Isabel, Miputak Covered Court ug Sta. Isabel Covered Court ang magasilbi’ng “distribution areas” kung diin didto mokuha ang mga “senior citizens” sa nasangpit nga “cash card”. Nasayran usab nga misumatotal sa kwatro mil kinyentos traynta’y kwatro (4,534) ka mga senior citizen ang makapahimulos ning maong kalihokan.
Dugang nasayran nga ang nasangpit nga kalihokan gipahigayon ubos sa Unconditional Cash Transfer (UCT) Program sa Department of Social Welfare and Development. Kini mao ang pinakadakong “tax reform mitigation program” ubos sa “TRAIN (Tax Reform for Acceleration and Inclusion) Law” nga nagtinguha nga mahatagan sa mga “cash grants” ang mga kabus nga panimalay ug mga indibidwal nga “senior citizens” nga dili maka-benepisyo gikan sa mas ubos nga mga “income tax rates” apan mahimong ma-apektuhan sa pagtaas sa mga presyo.
(Source: Dipolog City Government Facebook page)
