Mibisita si Police Colonel Rosell Del Mundo Encarnacion, Regional Chief sa Criminal Investigation and Detection Group Regional Field Unit 9 (CIDG RFU9), kang Dipolog City Mayor Roberto Y. Uy aron ipasiugda ang kaluwasan sa katawhan, kaniadtong Enero 5, 2026.
Ang courtesy call gihimo isip bahin sa padayong paningkamot sa Philippine National Police ug sa City Government of Dipolog sa pagpalig-on sa ilang koordinasyon batok sa kriminalidad ug sa pagpatuman sa mga programa alang sa kalinaw ug kahusay sa syudad.
Sumala sa CIDG RFU9, importante ang lig-on nga panagtinabangay tali sa lokal nga pangagamhanan ug kapulisan aron masiguro ang episyente nga pag-atubang sa mga isyu sa seguridad. Samtang gipadayag ni Mayor Uy ang suporta sa city government sa mga inisyatiba sa PNP nga nagtumong sa pagpanalipod sa katawhan ug pagmintinar sa kalinaw sa Dipolog City.(IKEN B. GULLEM)
Source: Dipolog City Government
