Usa ka lalaki ang namatay human gidunggab sulod sa usa ka tindahan sa Centro Poblacion, Sibonga, Cebu mga alas 9:15 sa buntag niadtong Enero 7, 2026.
Ang biktima, nga giila sa alyas “Chris”, usa ka hamtong ug empleyado sa ospital, dihang kalit siyang gisulid ug gidunggab sa suspek nga giila sa alyas “Rod”, 44 anyos, minyo, tungod sa personal nga kasuko o away.
Dali gidala ang biktima sa Deiparine Hospital sa tabang sa MDRRMO Sibonga, apan gideklarar siyang dead on arrival sa doktor.
Human sa insidente, dali nga nagpahigayon og hot pursuit operation ang Sibonga Municipal Police Station ubos sa pagdumala ni PMAJ Niño Lawrence D. Ibo, Chief of Police, ug nadakpan ang suspek sa Barangay Poblacion, Sibonga.
Gipasabot ang suspek sa iyang mga katungod ug gidala sa police station alang sa hustong proseso. Nasakmit usab ang kutsilyo nga gituohang gigamit sa pagpanunggab.
Nag-andam na ang kapulisan og kasong Murder batok sa suspek samtang padayon pa ang dugang imbestigasyon sa maong insidente.
Source: Sibonga MPS
I via Renante Socia Lada