Nasikop sa kapulisan ang usa ka wanted person tungod sa kaso nga parricide atol sa operasyon nga gihimo alas 5:30 sa hapon, Septiyembre 15, 2025, sa RT Lim Boulevard, Barangay Zone 1, Zamboanga City.
Ang operasyon gipangunahan sa Police Station 4 ug City Intelligence Unit (CIU) sa Mandaue City Police Office (MCPO), uban sa kooperasyon sa Zamboanga City Police Office (ZCPO). Ang pagdakop gihimo pinasikad sa warrant of arrest nga gi-issue sa Regional Trial Court, Branch 87, Mandaue City, Cebu. Ang suspetsado karon anaa sa kustodiya sa CIU-MCPO alang sa hustong disposisyon ug turnover sa korte.
Sumala sa Article 246 sa Revised Penal Code, ang parricide mao ang pagpamatay sa amahan, inahan, anak (legitimo o dili), apohan, apo, o asawa. Ang silot niini mao ang reclusion perpetua hangtod sa kamatayon, depende sa kaso. Ang reclusion perpetua nagpasabot og pagkabilanggo sulod sa 20 hangtod 40 ka tuig, nga dili makapajimulos sa parole sa unang bahin sa sentensya.
Si Police Brigadier General Redrico A. Maranan, Regional Director sa PRO7, mipasidungog sa paspas ug limpyo nga aksyon sa mga operatiba. Matod niya, ang pagdakop sa usa ka wanted person sa ingon bug-at nga sala nagpakita sa among tinuod nga katungdanan sa paghatag hustisya ug pagpamatuod nga walay exempted sa balaod.
Gipasalig sa Police Regional Office 7 nga padayon kini sa pagpangusog sa operasyon aron madakpan ang mga ni ikyas sa balaod ug mapadayon ang kalinaw ug kahapsay sa rehiyon sa Central Visayas.
Source: PRO7- PIO
I via Renante Socia Lada