Nagpahigayon ang Revitalized Pulis sa Barangay o R-PSB Team og convergence meeting uban sa mga representante sa nagkalain-laing ahensya sa gobyerno aron hisgutan ang mga kalampusan ug inisyal nga resulta sa R-PSB Program sa Barangay Ipilan, Salug, Zamboanga del Norte.
Gitambongan ang maong panagtigom ni Salug Mayor Hon. Dr. Ruth M. Brillantes, kauban ang mga representante gikan sa Department of Labor and Employment (DOLE), Technical Education and Skills Development Authority (TESDA), ug Department of Social Welfare and Development (DSWD). Gipangulohan ang R-PSB Team ni PLTCOL Edwin D. Verzon, Force Commander.
Gihisgutan sa mga partisipante ang mga panginahanglan ug prayoridad nga nasuta sa komunidad aron mas tukma nga matumong ang mga programa ug serbisyo sa nagkalain-laing ahensya ngadto sa barangay.
Pinaagi sa mas lig-on nga koordinasyon, gitinguha sa mga ahensya nga masiguro ang hapsay nga paghatag sa serbisyo, malungtarong kalamboan, ug pagpalig-on sa kalinaw ug seguridad sa Barangay Ipilan.(JENIFFER JR. DELICA)
Source: PNP Zamboanga del Norte 2nd PMFC