Gipahigayon sa Philippine Statistics Authority (PSA) Provincial Statistical Office Zamboanga del Norte ang 2026 Quarterly Survey of Philippine Business and Industry (QSPBI) Training alang sa mga Respondent niadtong Septyembre 22, 2026, didto sa Isaias Hall 1, Top Plaza Hotel, Central Barangay, Dipolog City.
Gitambongan ang maong pagbansay-bansay sa mga representante gikan sa nagkalain-laing gidapit nga pribadong establisimento sa tibuok probinsya. Tumong niini nga hatagan og igong kahibalo ang mga respondent gikan sa mga establisimento bahin sa hustong pagtubag sa mga questionnaire sa 2026 QSPBI ug aron mas masabtan nila ang mga pamaagi ug kinahanglanon sa maong survey.
Naglakip ang kalihokan sa kinatibuk-ang impormasyon bahin sa background sa QSPBI, mga instruksyon sa pagtubag sa mga questionnaire sa survey, demonstrasyon sa nagkalain-laing matang sa QSPBI questionnaire, ug pasiuna sa QSPBI Online Facility alang sa mga Establisimento.
Pinaagi niini nga kalihokan, padayon nga gipalig-on sa PSA Zamboanga del Norte ang kapasidad sa mga respondent gikan sa mga establisimento sa paghatag og tukma sa panahon, husto, ug kasaligan nga datos nga makatabang sa pagmugna og de-kalidad nga estadistika alang sa paghimo og maayong mga desisyon ug pagplano.(MEDALYN U. BORJA)
Source: PSA Zamboanga del Norte