Gituki sa Provincial Council for the Protection of Children o PCPC ang mga lakang aron mapanalipdan ang mga kabataan batok sa mga hulga sa social media atol sa 3rd Quarter Meeting nga gipahigayon sa Provincial Capitol sa Dipolog City niadtong September 21, 2026.
Gipangunahan ang miting ni Governor Darel Dexter T. Uy nga girepresentahan ni Atty. Kay Marie P. Bolando-Villarin, PCPC Vice-Chairperson ug Presiding Officer, uban ni Hannah Lou G. Mandantes, Acting PSWD Officer.
Gihisgutan ni Carra Labadlabad, Information Officer sa DICT, ang cybersecurity awareness ug mga paagi aron malikayan sa mga kabataan ang mga peligro sa social media. Gihisgutan usab ni Pat. Vernulfo Teus sa ZNPPO ang Nihilistic Violent Extremism ug ang paglikay sa mga delikado nga impluwensya sa social media.
Gipresentar usab sa nagkalain-laing ahensya ang ilang mga update ug accomplishment report, lakip ang PHO/PNO, DSWD-4Ps, ECCD, DepEd, Child Representative, DOLE, ZNPPO, DSWD-RRCY ug DSWD-BDSK. Pinaagi niini, gipadayon ang panagtinabangay sa mga ahensya alang sa proteksyon, kaluwasan ug kaayohan sa mga kabataan sa Zamboanga del Norte.(JENIFFER JR. DELICA)