Gibansay sa Department of Information and Communications Technology (DICT) Zamboanga del Norte, uban ang City Government of Dipolog pinaagi sa City Social Welfare and Development Office (CSWDO) ug Dipolog Tech4Ed Center, ang mga Persons with Disabilities (PWD’s) alang sa usa ka Graphics with Canva Training, nga gustong makat-on sa paggamit sa maong plataporma, nga gipahigayon didto sa Museo Dipolog, kaniadtong Oktubre 22, 2025.
Ang maong pagbansay nagtumong sa paghatag ug praktikal nga kahibalo sa paggamit sa Canva, usa ka digital design platform nga makatabang sa mga PWD nga makapahayag sa ilang kaugalingong kalamdagan pinaagi sa graphic design.
Mitambong sa maong kalihokan sila Assistant City Social Welfare and Development Officer Ms. Jovencia D. Gregory ug City Legal Officer Atty. Goldie Love P. Gonzales, nga misalipod kang City Mayor Roberto Y. Uy. Si Mr. Al Vincent M. Recentes gikan sa DICT Zamboanga del Norte maoy nagsilbing resource speaker sa maong pagbansay.
Ang maong aktibidad kabahin sa pagselebrar sa 22nd National Attention Deficit Hyperactivity Disorder (ADHD) Awareness Week nga may temang “The Silver Lining of ADHD: Reasons To Celebrate,” nga nagpadayon gikan Oktubre 19 hangtod 25, 2025.(Iken B. Gullem)
Source: Dipolog City Government