Gipasiugdahan sa City Government of Dipolog pinaagi sa City Cooperative and Development Office (CCDO) ang Capacity Training–Capability Training Seminar isip pagselebrar sa Cooperative Month nga gipahigayon sa Museo Dipolog Social Hall, kaniadtong Oktubre 22, 2025.
Ang kalihokan nagdala sa tema nga “Cooperatives: United in Purpose and Action, Sharing Prosperity to Build a Better World” ug nagtumong sa pagpahugot sa kahibalo ug abilidad sa mga miyembro sa kooperatiba.
Miambit sa maong kalihokan sila Provincial Governor Hon. Darel Dexter T. Uy, CDA Region IX Regional Director Ruben L. Cunanan, City Cooperative Development Officer Ms. Elena Doris R. Sarande, ug City Councilor Dr. Ryan Niel A. Asprer, SP Chairperson on Cooperatives, nga misalipod kang City Mayor Roberto Y. Uy.
Naghatag sila sa ilang mga mensahe sa kooperatiba ug gipangulohan ni Gov. Uy ang pagganting-award sa mga kooperatibang nakahatag ug dakong kontribusyon sa siyudad, uban nila RD Cunanan ug Ms. Sarande
Gipahigayon usab atol sa selebrasyon ang PhilHealth Yakap Registration and Medical Caravan uban sa Grass Forth Pharma, aron mahatagan ug serbisyo medikal ug benepisyo ang mga miyembro sa kooperatiba sa Dipolog ug kasikbit nga mga lugar.(Iken B. Gullem)
Source: Dipolog City Government