Gipahigayon ang PuroKalusugan Training of Trainers o PK TOT niadtong nilabay nga adlaw sa Rizal Budgetel, nga gitambongan sa mga Barangay Health Workers o BHWs gikan sa 22 ka barangay sa Rizal.
Giapilan usab ang training sa mga personnel sa Rizal Rural Health Unit nga gipangulohan ni Dr. Yazmir Atong, uban ang presensya ni DMO IV Ma’am Gloria Oracoy.
Gitumong sa training ang pagpalambo sa kahibalo, kahanas ug kapasidad sa mga frontline health workers sa paghatag og health promotion ug disease prevention services nga nakabase sa panginahanglan sa komunidad.
Pinaagi sa pagpalig-on sa kapasidad sa mga BHW ug health workers, gilauman nga mas mapaduol ang saktong impormasyon ug importanteng serbisyo panglawas ngadto sa matag panimalay ug mapalambo ang panagtambayayong sa komunidad alang sa mas maayong kahimsog.(JENIFFER JR. DELICA)
Source: Rizal Rural Health Unit