Gipahigayon sa DILG Region IX, uban sa DOLE, DSWD, DTI ug ubang ahensya sa gobyerno, ang CSO Caravan sa Liloy aron mapaduol ang nagkalain-laing programa, serbisyo ug tabang ngadto sa mga Civil Society Organizations o CSOs ug mga miyembro sa komunidad.
Gitambongan ang kalihokan ni Mayor Roberto Lim Uy Jr., kinsa mipahayag sa iyang suporta sa mga inisyatibo nga nagpalig-on sa partnership tali sa gobyerno ug komunidad.
Gihatagan og higayon pinaagi sa CSO Caravan ang mga CSO ug residente nga mas dali nga makadawat og impormasyon ug makagamit sa mga serbisyo ug programa sa nagkalain-laing ahensya sa gobyerno.
Pinaagi sa maong inisyatibo, gipasiugda ang mas lig-on nga panagtambayayong tali sa gobyerno ug mga organisasyon sa komunidad alang sa mas accessible nga serbisyo publiko sa Liloy.(JENIFFER JR. DELICA)
Source: Municipality of Liloy