33.8 C
Manila
Friday, March 29, 2024

Dipolog: PSWDO miduyog sa pahatag sa cash assistance alang sa 51 ka former rebels

- Advertisement -

Ang Provincial Social Welfare and Development Office (PSWDO) miduyog sa 97th Infantry Battalion (KALASAGLAHI) sa del Pilar, Piñan ning lalawigan sa pag-apud-apud sa tres mil ka pesos ngadto sa 51 ka Former Rebels (FR’s).

Visit RPN DXKD Dipolog

Mokabat sa PhP 153,000.00 cash assistance nga katumbas sa tres mil ka pesos kada FR’s, nga  nagagikan sa panudlanan sa Department of Social and Welfare Development (DSWD) Office Region IX Assistance to Individuals in Crisis Situation (AICS).

Ang salaping hinabang gihatag sa DSWD maoy usa sa mga programa aron sa pagtabang sa mga FR’s ug sa pasalig niini may kalabutan sa Executive Order 70 kon Whole of Nation Approach to End Local Communist Armed Conflict (ELCAC).

Niini, ang Commanding Officer sa 97th Infantry Batallion nga si Lieutenant Colonel Nolasco Coderos Jr. mihatag sa mensahe atol sa maong kalihukan nga gadasig sa mga anaa pa sa kabukiran sa pagbalik na sa sabakan sa balaod aron sa pagsugod sa usa ka malinawon ug normal nga paagi sa pagpuyo uban sa ilang mga pamilya.

Gikahibaloan nga ang nasangpit nga 51 ka mga FR’s ang nakadawat usab sa pinansyal nga tabang ilawom sa Enhance Comprehensive Local Integration Program (E-CLIP) sa kantidad nga 50mil ka pesos alang sa Livelihood Assistance ug laing kinsi mil ka pesos nga Immediate Assistance diin, lain usab nga madawat nga cash assistance depende sa mga armas nga gipang-surender niini.

Si Mr. Alex Sabal Assistant PSWDO Officer ang misalmot sa maong kalihukan isip pagduyog sa kagamhanang probinsyal pinaagi ni Governor Rosalina “Nanay Nene” Jalosjos nga sa kanunay mosuporta sa mga programa alang sa kaayuhan sa ZaNortehanon.

(News & photo courtesy of PROVINCIAL INFORMATION CENTER ZANORTE Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -