Uban sa tinguha nga mapalapdan ang kahibalo ug pagpasabot sa kahinungdanon sa datos ug estadistika alang sa kalamboan, ang Philippine Statistics Office (PSO) Zamboanga del Norte nanguna sa Coastal Clean-up Activity isip kabahin sa ika-36th National Statistics Month (NSM) celebration.
Ang kalihokan gimugna ubos sa temang “Accelerating the Sustainable Development Goals (SDG) Pace of Progress: Mobilizing Data for All,” nga nagtumong sa pagpalig-on sa partisipasyon sa publiko sa paggamit ug pagpasabot sa datos aron masuportahan ang nagkalain-laing Sustainable Development Goals.
Apan labaw pa sa estadistika, gipakita sa PSO-ZDN ang tinuoray nga pagkabana sa kalikupan pinaagi sa aktibong pagpanlimpyo sa baybayon isip usa ka timaan sa ilang pagpaningkamot nga mapreserbar ang kinaiyahan ug ang kaugmaon pinaagi sa kolektibong lihok ug datos nga may basihanan.
Sumala sa PSO-ZDN, ang maong kalihokan nagpasabot nga ang estadistika ug kalikupan naghiusa sa usa ka tumong, ang paglambo sa katawhan pinaagi sa responsable ug sustenableng mga aksyon.(IKEN B. GULLEM)