Nakigkita sa City Mayor’s Office kang Dipolog City Mayor Roberto Y. Uy ang mga delegado sa Philippine Science High School – Zamboanga Regional Campus (PSHS-ZRC) niadtong Septiyembre 9, 2026, aron hisgutan ang posibilidad sa pakigtambayayong alang sa umaabot nga 2027 National Competitive Examination Caravan.
Gipangulohan ni PSHS-ZRC Campus Director Edman H. Gallamaso ang delegasyon, uban sila Special Science Teachers IV Hazel R. Lagapa ug Lovely B. Bacara.
Gipunting sa maong courtesy call ang paghisgot sa mga oportunidad ug posibleng partnership tali sa PSHS-ZRC ug sa lokal nga panggobyerno sa Dipolog alang sa pagpahigayon sa PSHS System 2027 National Competitive Examination Caravan sa siyudad.
Pinaagi sa maong inisyatibo, gilauman nga mas mapalapad ang kahibalo ug kahigayonan sa mga estudyante sa Dipolog ug sa mga kasikbit nga lugar nga makaapil sa national competitive examination ug makapadayon sa ilang edukasyon sa Philippine Science High School System.(IKEN B. GULLEM)
Source: Dipolog City Government