Nakapaoperahan og malampuson sa OB-GYNE ang 4 ka pasyente samtang 14 pa ang nakadawat og libreng check-up ug konsultasyon niadtong September 9, 2026, isip kabahin sa padayong medical program sa Provincial Government of Zamboanga del Norte ubos sa pagpangulo ni Gov. Darel Uy.
Gipangunahan ni Dr. Dino Abong, OB-GYNE, ang pag-atiman sa mga pasyente uban sa mga doktor, nurses ug staff sa Zamboanga del Norte Medical Center o ZNMC, lakip ang Emergency Room, Nursing Services, OB-GYNE Ward ug Operating Room.
Mitabang usab sa hapsay nga pagpadagan sa serbisyo ang ZNMC Medical Team, nga nagdumala sa facilitation ug pag-atiman sa mga pasyente atol sa medical services.
Pinaagi sa maong programa, gipadayon sa provincial government ang paghatag og access sa medical services alang sa mga Zanortehanon, lakip ang libre nga konsultasyon ug mga gikinahanglang operasyon.(JENIFFER JR. DELICA)
Source: Zamboanga del Norte Medical Team