Aktibong misalmot ang Provincial Statistical Office (PSO) sa Zamboanga del Norte – Philippine Statistical Authority (PSA) sa ZNPPO Fun Run 2025 isip kabahin sa ika-30 nga Police Community Relations (PCR) Month nga gihimo sa Camp Hamac, Sicayab, Dipolog City niadtong Hulyo 20, 2025.
Ang maong kalihokan gimugna sa Zamboanga del Norte Provincial Police Office (ZNPPO), uban sa pakigtambayayong sa ZNPPO Provincial Advisory Group for Police Transformation and Development (PAGPTD).
Tumong sa fun run ang pagpasiugda sa panaghiusa, inter-agency cooperation, ug aktibong partisipasyon sa mga ahensya sa gobyerno alang sa kaayohan sa komunidad.
Gipasiugdahan kini isip usa ka “Fun Run for a Cause” nga nag-awhag sa malasakit ug pagtinabangay, samtang gipalig-on ang kahimsog ug aktibong panglawas sa mga partisipante.
Nagpadayon ang PSA Zamboanga del Norte sa ilang suporta sa mga inisyatibo nga nagpalig-on sa koneksyon tali sa gobyerno ug katawhan, pinaagi sa pag-apil sa mga kalihokan nga may kalabotan sa public service ug community building.
Malipayong gisalmotan sa mga empleyado sa PSA ang maong kalihokan, uban sa ubang ahensya, kapulisan, ug mga partisipante gikan sa lain-laing sektor. Ang maong kalihokan nagtugot sa mas lig-on nga kolaborasyon ug panaghiusa alang sa komunidad.(Jumalisa Papa)
Source: PSA ZDN