Gipahigayon ang Physical Fitness Test (PFT) alang sa mga sakop sa Philippine National Police (PNP) nga natawo sa mga bulan sa Hulyo, Agosto, ug Septiyembre karong tuiga, didto sa Camp Hamac, Sicayab, Dipolog, Zamboanga del Norte.
Ang maong kalihokan gipangulohan sa mga personahe sa RMDU9 ubos sa liderato ni PCPT Michael C. Gambala, Medical Officer, uban sa pakigtambayayong sa mga personahe sa Zamboanga del Norte Provincial Medical and Dental Team (ZNPMDT) nga gipangulohan ni PLT Isaac A. Malayo, Assistant Team Leader/Dental Officer, ug giya ni PCOL Joan L. Sia, Chief sa RMDU9.
Tumong sa kalihokan ang pagsiguro nga ang tanang PNP personnel mosunod sa kinahanglanong physical ug medical standards aron epektibo nilang magampanan ang ilang katungdanan sa serbisyo publiko.
Ang pagsiguro sa maayong panglawas ug kusog nga lawas usa ka dakong kabahin sa pagkab-ot sa lig-on ug kasaligan nga kapulisan.(Jumalisa Papa)
Source: ZNPPO